شروط استخدام قفلها

آخر تحديث: ١٩ أكتوبر ٢٠٢٦

قفلها إيه: منصة مذاكرة لطلاب الإعدادي والثانوي في مصر، مبنية على المناهج الدراسية: شرح وأسئلة وتصحيح وامتحانات وألعاب ومساعد بالذكاء الاصطناعي. باستخدامك لقفلها، إنت موافق على الشروط دي.

حسابك: الحساب لشخص واحد، ومربوط بجهاز واحد: أول جهاز تدخل منه هو جهازك، ومش هتقدر تدخل من جهاز تاني. لو غيّرت موبايلك كلّمنا على واتساب ونغيّرهولك. وتقدر تفتح قفلها على الموقع من التطبيق نفسه من غير ما يتحسب جهاز تاني. رقم الموبايل لازم يكون رقمك وعليه واتساب، وبنأكّده برسالة منك. إنت مسؤول عن كلمة السر بتاعتك، وماتشاركش حسابك مع حد؛ لو لقينا الحساب بيتشارك، من حقنا نوقفه.

الاشتراك والدفع: فيه دروس مجانية في كل مادة عشان تجرّب قفلها قبل ما تدفع، وباقي الدروس والامتحانات بالاشتراك. الاشتراك بيتدفع على موقع قفلها عن طريق فواتيرك، ومدته مكتوبة في الباقة، ومش بيتجدد لوحده.

الاسترجاع: عشان تقدر تجرّب ببلاش قبل ما تشترك، المبلغ مش بيترجع بعد ما الاشتراك يتفعّل. لو دفعت والاشتراك ماتفعّلش، أو اتخصم منك مرتين، كلّمنا على واتساب ونرجّعلك حقك.

المحتوى: الشرح والأسئلة والملخصات بتتعمل بمساعدة الذكاء الاصطناعي من المناهج الدراسية نفسها، وبنراجعها. لو لقيت حاجة شايفها غلط، دوس «بلّغ» جنبها. محتوى قفلها لاستخدامك الشخصي في المذاكرة؛ ممنوع نسخه أو بيعه أو نشره.

المساعد والتصحيح: ردود المساعد وتصحيح المقالي بالذكاء الاصطناعي: الدرجة، وملاحظة المصحّح، والكلمات اللي اتكتبت غلط إملائيًا. وممكن يغلطوا أحيانًا؛ هما بيساعدوك تذاكر، ومش بديل عن مدرسك ولا عن الكتاب ولا عن تصحيح الامتحان الحقيقي.

الاستخدام المقبول: ممنوع إساءة استخدام قفلها: محاولة اختراقه، أو تحميل محتواه بالجملة، أو كتابة حاجة مسيئة للمساعد أو في التحديات.

لوحة الشرف: بيظهر فيها اسمك الأول وأول حرف من اسم والدك، وتقدر تخليه «طالب من قفلها» أو تختفي خالص من «حسابي».

حذف الحساب: تقدر تحذف حسابك من «حسابي ← احذف حسابي». حسابك بيتقفل على طول، وبيتمسح نهائي بعد ٦٠ يوم.

التعديلات: ممكن نعدّل الشروط دي، وأي تعديل مهم هنعرّفك بيه في التطبيق.

الخصوصية: إزاي بنتعامل مع بياناتك مكتوب في صفحة الخصوصية.

تواصل معانا: على واتساب من الرقم اللي في الموقع.